Дапсы үбүлүөйдээх киэһэтигэр ыңырабыт

Тылбыт туһугар

Кыым хаһыат  Сэтинньи 13 к.

 

Тыл бэлиитикэтин сүбэтин мунньаҕа буолла. Манна Е.Борисов: “Тыл уонна култуура эрэ ханнык баҕарар омугу тыыннаах хааллараллар. Онон манна ураты болҕомтобутун ууруохтаахпыт”, – диэн эттэ. Сүбэ бэрэссэдээтэлэ Ф.Габышева эппитинэн, 2002 с. саха тылын төрөөбүт тылынан билинэр саха дьоно 92,6 % буоллахтарына, билигин 94 % буолбут. Ол аата хамсааһын син баар.

Атын омуктары ыллахха: чукчалар – 42,8 % (2002 с. – 37,7 %), юкагирдар – 23 % (19,5 %). Эбээннэр, эбэҥкилэр, долгааннар тустарынан тоҕо эрэ эппэтэхтэр эрээри, аҕыйах ахсааннаах хотугу омуктар тыллара уустук туруктааҕын бэлиэтээбиттэр. Онуоха, холобур, араас докумуону оҥорорго “судаарыстыбаннай” уонна “официальнай” дэнэр тыллары биир тэҥник туһаммаппыт төрүөт буолуон сөп. Онон олохтоох тыллары салгыы сайыннарар туһуттан, бэчээт, информация үлэтин кэҥэтэр, тылбаас уонна докумуону оҥоруу таһымын үрдэтэр наада диэн түмүктээтилэр.

Е.Борисов бырабыыталыстыбаҕа бу сыл бүтүөр диэри “Саха сирин тылларын туһунан” Ыйааҕы бэлэмнииргэ сорудах биэрдэ. Онно Сүбэ мунньаҕар уонна алтынньыга  буолбут “Саха сиригэр тыл бэлиитикэтэ” билим кэмпириэнсийэтигэр киирбит этиилэри хайаан да учуоттуур наада.